Sakjane Ngeblog ki Kepiye to ? ? ? (Takon Tenan, dudu Petunjuk Ngeblog)

Esuk-esuk sakdurunge tandang gawe neng kandang,sediluk mbukak dasbod wordpress.
Yo ora ngopo-ngopo, mung mbukak thok.
Lak yo wiwit jaman mbahola yen jenenge mbukak-mbukak ki pancen gawe kepenak to.
Contone; mbukak rahasia, mbukak tutup panganan, mbukak pin atm e wong liyo sing akeh duwite, mbukak sing durung tau dibukak, mbukak opo meneh !!!? Wkakakaka…. Paling pikirane ngeres, lak yo sing dikarepke mbukak rok to !! Hahaha.. Po ya hoho dab, panyu lesgi, akeh to neng internet ki sing digoleki yo ora adoh seko sex, seks, gambar telanjang, karo artis sing wudo kae.
Diakoni wae neng internet ki iso ora munafik bab ngono kuwi, arep sedino menthelengi gambar cewek ra nganggo bh wae raono sing nyeneni.
Bener ra ?
Nyatane ngono to dab ! Karep sing sex bebas iso diwutahke neng internet. Ora ono isin, lha wong iso ndelikke identitas.

Nah, bar mbukak dasbod, yo uwis, paling moco-moco tulisan sing anyar, karo ndelok sing nangkring neng 10 gede karo papat paling ngetop, langganane yo ra ucul seko ruang hati, suara mustika, rudi triatmono, asianfansclub, kuwi-kuwi wae. Mbok yo kolo-kolo bulentin po perawandesah ngono lho.

Bar rampungan ngurusi kelangenan sing wis dho ngendhog, nek raono acara liyo yo terus mbukak dasbod meneh.
Saben aku nyekel hape lawas iki, paling yo mung internetan.
Lha arep ngopo? Reko-reko arep usaha liyane, malah mung ngabul-abul modal. Dilakoni wae ndisik opo sing wis mlaku.
Aman ngono to yo?
Pancen wis dalan uripe koyo ngene. Lha dikon nyambut gawe ki wegah je.. Nglamar gawean yo durung tau. Opo meneh saiki, umure wis tuwek.
Hehehe..

Iki kolo-kolo posting nganggo hape, jal ndelok engko ono sing moro ora.
Yen ono palingo yo mung mumet, opo meneh nek sing mbukak ki wong londo. Lha yo blas poya lesgi.

Aku ngeblog ki jane yo rodo bingung je. Tak sawang-sawang ketoke sing dho ngeblog ki wis rodo adoh seko karepe ngeblog.
Sak ngertiku mbiyen, jenenge ngeblog ki yo nulis dewe.
Pas awal-awal ngeblog aku yo ngono kuwi.
Tapi sepi.
Meh raono sing mampir.
Makane aku melu-melu copas berita po artikel. Wah, sing mbukak blog ku dadi okeh.
Lha nek copas berita po artikel neng koran, kuwi wis ora diarani citizen jurnalism to. Tapi jenenge wis penyambung lidah media.
Kosik, sareh. Pancen jenenge blog ki yo nggone pribadi. Bebas arep nulis dhewe po njupuk seko koran. Ra ono aturane. Sing penting lak nyebutke sumbere to.

Dadi, sakjane ngeblog ki kepiye to ? ? ?

Salam Indonesia.